RSS
കഥയുടെ മൂല്യച്ചുതിയില്‍പ്പെട്ടു ആഗോളതലത്തില്‍ നിഷ്പ്രഭമായിക്കൊണ്ടിരിക്കുന്ന സിനിമയ്ക്ക് യുവത്വം സമര്‍പ്പിക്കുന്ന ലോകത്തേക്ക് സ്വാഗതം

വരുന്നു റംസാൻ പോരാട്ടം..!!




അങ്ങിനെ പ്രതീക്ഷിച്ചത് പോലെ നിരാശാജനകമായി തന്നെ മലയാള സിനിമയുടെ ഇത്തവണത്തെയും ഓണക്കാലം കടന്നു പോയി. ഹിറ്റുകൾ ഒന്നും പിറന്നില്ല എന്ന് മാത്രമല്ല, പ്രേക്ഷകർ സിനിമ കാണുന്നത് തന്നെ വെറുത്ത് പോകുന്ന തരത്തിലുള്ള 3 ചാർ സൗ ബീസ് തുടങ്ങിയ ദുരന്തങ്ങൾക്ക് സാക്ഷ്യം വഹിക്കേണ്ടി വരിക കൂടി ചെയ്തു ഓണക്കാലം. മലബാർ മേഖലയിലെ കളക്ഷൻ ഒരു സിനിമയുടെ വിജയത്തിൽ വലിയ പങ്കു വഹിക്കുന്നുണ്ട് എന്ന് ഒരിക്കൽ കൂടി തെളിയിക്കപ്പെട്ടിരിക്കുകയാണു. അതു കൊണ്ട് തന്നെ റംസാന് ഒരു വലിയ പോരാട്ടത്തിനു മലയാള സിനിമ സാക്ഷ്യം വഹിക്കാൻ പോകുകയാണു. ഒരിക്കൽ കൂടി മലയാള സിനിമയിലെ വമ്പന്മാർ തമ്മിൽ നേർക്ക് നേർ ഏറ്റുമുട്ടുന്നു. മമ്മൂട്ടിയും മോഹൻലാലും. ഇവരുടെ ചിത്രങ്ങൾ ഒരുമിച്ച് റിലീസ് ചെയ്യുന്നത് അക്ഷരാർത്ഥത്തിൽ മലയാള സിനിമക്ക് ഉത്സവം തന്നെയാണു. കാര്യങ്ങൾ ഇങ്ങനെയൊക്കെയാണെങ്കിലും റമസാൻ ചിത്രങ്ങൾ മെഗാസ്റ്റാറിനും സൂപ്പർ സ്റ്റാറിനും നിർണായകമാണു. മമ്മൂട്ടിയുടെ രണ്ട് ചിത്രങ്ങളാണു റമസാനു റിലീസ് ചെയ്യുന്നത്. രഞ്ജിത്തിന്റെ പ്രാഞ്ചിയേട്ടൻ & ദി സെയ്ന്റും മമ്മൂട്ടി - അർജുൻ ഒന്നിക്കുന്ന ബഹുഭാഷ ചിത്രമായ വന്ദേമാതരവും. പോക്കിരി രാജയുടെ വൻ വിജയത്തിന്റെ തിളക്കത്തിൽ മിന്നി നിൽക്കുന്നുണ്ടെങ്കിലും ദ്രോണയും പ്രമാണിയും ചൂണ്ടിക്കാണിച്ചു കൊണ്ട് സ്വന്തമായി സിനിമ വിജയിപ്പിക്കാൻ കഴിയുന്നില്ല എന്ന ആരോപണം നേരിട്ടു കൊണ്ടിരിക്കുകയാണു മമ്മൂട്ടി. അതിനെ മറികടക്കണമെങ്കിൽ മമ്മൂട്ടിക്ക് പ്രാഞ്ചിയേട്ടൻ വിജയിച്ചേ തീരു. ഇതിനോടകം തന്നെ പുറത്ത് വന്നു കഴിഞ്ഞ പ്രാഞ്ചിയേട്ടന്റെ സ്റ്റിൽസും ട്രെയിലറുമെല്ലാം മമ്മൂട്ടി ആരാധകരുടെ പ്രതീക്ഷ വാനോളമുയർത്തിയിട്ടുണ്ട്. ഒപ്പമിറങുന്ന മറ്റൊരു മമ്മൂട്ടി ചിത്രമായ വന്ദേമാതരത്തിന്റെ കാര്യത്തിൽ പക്ഷെ അമിത പ്രതീക്ഷകളില്ല. കോടികൾ ചിലവിട്ട് നിർമിച്ച സിനിമയാണെങ്കിലും വൈകുന്ന സിനിമകൾ തകരുന്ന പ്രതിഭാസമുള്ള മലയാള സിനിമയിൽ വന്ദേമാതരത്തിന്റെ ഭാവി എന്താകുമെന്ന് കണ്ടു തന്നെ അറിയണം. പത്മകുമാർ സംവിധാനം ചെയ്ത ശിക്കാർ ആണു ലാലിന്റെ റംസാൻ ചിത്രം. . മമ്മൂട്ടിയുടെ കരിയറിലെ ഏറ്റവും വലിയ ഫ്ലോപ്പുകളിൽ ഒന്നായ പരുന്തിന്റെ സംവിധായകനും മോഹൻലാലിന്റെ തന്നെ താണ്ടവ രചന നടത്തിയ തിരകഥാകൃത്തും ഒന്നിക്കുമ്പോൾ ഒരു മെഗാ വിജയത്തിൽ കുറഞ്ഞതൊന്നും ഇവരെ രക്ഷിക്കില്ല. മലയാള സിനിമക്ക് പരിചിതമല്ലാത്ത ലൊക്കേഷനുകളിൽ ചിത്രീകരിച്ച ശിക്കാർ ഒരു സൂപ്പർ ഹിറ്റ് ആകും എന്ന് തന്നെയാണു പൊതുവെയുള്ള വിലയിരുത്തൽ. ഇതിലെ ഗാനങ്ങളെല്ലാം ഹിറ്റ് ചാർട്ടിൽ മുൻ നിരയിൽ എത്തി കഴിഞ്ഞു. തുടർച്ചയായി പരാജയങ്ങൾ നേരിട്ട് കൊണ്ടിരിക്കുന്ന മോഹൻലാലിനു നഷ്ടപ്പെട്ടു പോയ ഇനീഷ്യൽ പുള്ളിംഗ് തിരിച്ചു പിടിക്കാനും അതു വഴി ഒരു മെഗാ ഹിറ്റ് മലയാള സിനിമയിൽ പിറക്കാനും ശിക്കാർ ഇടയാക്കട്ടെ എന്ന് നമ്മുക്ക് ആശംസിക്കാം.
അതികായന്മാരുടെ മത്സരത്തിനിടയിൽ ഒരു ചിത്രം കൂടി റംസാനു എത്തുന്നുണ്ട്. ലാൽ ജോസിന്റെ എൽസമ്മാ എന്ന ആൺകുട്ടി. കുഞ്ചാക്കോ ബോബനും ഇന്ദ്രജിത്തും പുതുമുഖ നടി ആനും ഒന്നിക്കുന്ന ചിത്രവും റിലീസിനു മുൻപേ പ്രേക്ഷക ശ്രദ്ധ ആകർഷിച്ചു കഴിഞ്ഞതാണു. സൂപ്പർ താരങ്ങൾക്കൊപ്പം യുവതാര ചിത്രം റിലീസ് ചെയ്ത് ലാൽ ജോസ് ഇതിനു മുൻപും വിജയം നേടിയിട്ടുണ്ട്. ഒപ്പമിറങ്ങിയ സൂപ്പർ സ്റ്റാർ ചിത്രങ്ങൾ ബോക്സ് ഓഫീസിൽ മൂക്കും കുത്തി വീണപ്പോൾ സർവ്വകാല വിജയം നേടിയ ചിത്രമായിരുന്നു ക്ലാസ്മേറ്റ്സ്. ലാൽ ജോസ് മാജിക്ക് വീണ്ടും ആവർത്തിക്കുമോ എന്ന് ചലചിത്ര ലോകം ഉറ്റു നോക്കി കൊണ്ടിരിക്കുന്നു. എന്തായാലും റംസാൻ ചന്ദ്രിക തെളിയുമ്പോൾ ആരുടെ മുഖത്താണു വിജയത്തിന്റെ മന്ദഹാസം വിടരുക എന്നറിയാൻ ഇനി ഏതാനും നാളുകൾ മാത്രം.! കാത്തിരിക്കാം വീറുറ്റ പോരാട്ടത്തിന്റെ നാളുകൾക്കായി..!!

3 comments:

Sherlock Holmes said...

It's never easy to be nostalgic about something until you're absolutely certain there's no chance of its coming back........and that is the reason, i think, we all cry about the Mohanlals of old and the Mammootties of old, who never tried his hand(should i say leg too??) at dancing...............

nywayz will Waite for the new outings of the lions...........

annaaan ethra moothaalum maram kettam marakkumo????????????????

Dr.Jishnu Chandran said...

വരട്ടെ കാണാം

Anonymous said...

1.ശിക്കാർ
2.എൽസമ്മ എന്ന ആൺകുട്ടി
3.പ്രാഞ്ചിയേട്ടൻ
4.വന്ദേമാതരം
ഈ ഓർഡറിൽ ആവും അവസാനം എന്ന് എനിക്ക് തോന്നുന്നു

Followers

 
Copyright 2009 b Studio. All rights reserved.