RSS
കഥയുടെ മൂല്യച്ചുതിയില്‍പ്പെട്ടു ആഗോളതലത്തില്‍ നിഷ്പ്രഭമായിക്കൊണ്ടിരിക്കുന്ന സിനിമയ്ക്ക് യുവത്വം സമര്‍പ്പിക്കുന്ന ലോകത്തേക്ക് സ്വാഗതം

നാന്‍ മഹാന്‍ അല്ല..!





കേരളത്തിലെ തിയറ്ററുകളിൽ വരെ സിനിമ കഴിഞ്ഞപ്പോൾ ആളുകൾ എഴുന്നേറ്റു നിന്ന് കൈയ്യടിച്ച സിനിമയാണു വെണ്ണിലാ കബഡി കൂട്ടം. മാരിമുത്തുവിനെ ഇനി ഒരിക്കലും കാണുകയില്ല എന്ന സത്യം അറിയാതെ ശരണ്യ മോഹൻ അവതരിപ്പിച്ച നായിക യാത്രയാവുമ്പോൾ ഹൃദയത്തിന്റെ ഉള്ളിലെവിടെയോ നീറുന്ന ഒരു വേദനയുമായാണു പ്രേക്ഷകർ തിയറ്റർ വിട്ടത്. അതു കൊണ്ട് തന്നെ ആ സിനിമയുടെ സംവിധായകൻ പുതിയ സിനിമയുമായി വരുമ്പോൾ പ്രതീക്ഷകൾ ഏറെയാണു. കാർത്തിയും കാജൽ അഗർവാളുമൊന്നിക്കുന്ന നാൻ മഹാൻ അല്ല എന്ന സിനിമ ആരംഭിക്കുമ്പോൾ കാണുന്ന സീനുകളും പശ്ചാത്തല സംഗീതവുമെല്ലാം ഇതും മറ്റൊരു പരീക്ഷണ ചിത്രം എന്ന് നമ്മളെ തോന്നിപ്പിക്കും. രണ്ട് കഥകൾ സമാന്തരമായി പറഞ്ഞു കൊണ്ട് അവയെ ആവശ്യമായ ഘട്ടത്തിൽ മാത്രം ഒരുമിപ്പിച്ച് സിനിമയെ മുന്നോട്ട് കൊണ്ടു പോയ രീതിയാണു നാൻ മഹാൻ അല്ല എന്ന സിനിമയുടെ പ്രത്യേകത. മയക്കുമരുന്നിനും മറ്റ് വൃത്തികേടുകൾക്കുമൊക്കെ അടിമപ്പെട്ട കുറച്ച് കോളേജ് പിള്ളേരുടെ കഥയാണു ആദ്യത്തേത് . രണ്ടാമത്തേത് നമ്മുടെ നായകൻ കാർത്തിയും നായിക കാജൽ അഗർവാളിന്റെയും പ്രണയത്തിന്റെ കഥ. അത് സാധാരണ പോലെ തന്നെ. കാർത്തി നായികയെ കണ്ടു മുട്ടുന്ന നിമിഷത്തിൽ തന്നെ അനുരാഗ വിവശനാവുന്നു. പയ്യ എന്ന സിനിമയിലും ഇതേ ഭാവങ്ങളോടെ തന്നെ അവതരിപ്പിച്ച സീൻ ആയതിനാൽ ഒട്ടും ബോറടിച്ചില്ല സത്യം..! അങ്ങിനെ അവർ തമ്മിൽ പ്രണയത്തിലാവുന്നു. ഇതേ സമയത്ത് തന്നെ നമ്മുടെ ആദ്യ കഥയിലെ ചെറുപ്പക്കാർ ഒരു പെൺകുട്ടിയെ തുണ്ടം തുണ്ടമായി വെട്ടി നുറുക്കുന്നുണ്ട്. എന്തിനാവോ എന്തോ എന്നൊന്നും നമ്മൾ അപ്പോൾ അറിയുന്നില്ല. മറ്റെയിടത്ത് നമ്മുടെ നായികയുടെ അഛനു കാർത്തിയെ തീരെ പിടിക്കുന്നില്ല. പക്ഷെ ബുദ്ധിമാനായ അദ്ദേഹം അത് പുറത്ത് കാണിക്കാതെ പ്രേമത്തിൽ നിന്ന് കാർത്തി പിന്തിരിയാൻ വേണ്ടി ഒരു വലിയ ഗുണ്ടയെ കൊണ്ട് വിരട്ടാൻ തിരുമാനിക്കുന്നു. ഗുണ്ട കാർത്തിയെ വിരട്ടുന്നു. കാർത്തി നായികയുമായി ഒളിച്ചോടുന്നു. നായികയുടെ അഛൻ ഗുണ്ടയുമായി പിന്നാലെ ... ഇങ്ങനെയൊക്കെയാണു സ്ഥിരം തമിഴ് സിനിമ സ്റ്റൈയിൽ. പക്ഷെ ഇവിടെ അങ്ങിനെയല്ല. തന്നെ ഭീഷണിപ്പെടുത്താൻ വരുന്ന ഗുണ്ടയെ കാർത്തി കൈകാര്യം ചെയ്യുന്ന രീതിയാണു ഈ സിനിമയിലെ ഹൈലറ്റുകളിൽ ഒന്നു. അങ്ങിനെ ഗുണ്ടയും കാർത്തിയും ഒറ്റക്കെട്ടാവുന്നു. പ്രണയത്തിനു ഗുണ്ടയുടെ വക ഫുൾ സപ്പോർട്ട്. ഇനി എന്തു കഥ എല്ലാം ശുഭപര്യവസാനിയായല്ലോ എന്ന് പ്രേക്ഷകൻ കരുതുന്നിടത്ത് വെച്ചാണു ഈ സിനിമയുടെ ഗതി മാറുന്നത്. ആദ്യം പറഞ്ഞ കഥയുമായി കാർത്തിയുടെ കഥയെ സമർത്ഥമായി കൂട്ടിയിണക്കിയിരിക്കുകയാണു സംവിധായകൻ. ആദ്യ പകുതിയിലെ രസകരമായ അന്തരീക്ഷത്തിൽ നിന്നും രണ്ടാം പകുതിയിലെ സംഘർഷഭരിതമായ അവസ്ഥയിലേക്ക് സിനിമ നീങ്ങുമ്പോഴും സിനിമയുടെ സ്വഭാവികത നഷടപ്പെടാതിരിക്കാൻ സംവിധായകൻ വളരെയധികം ശ്രദ്ധിച്ചിട്ടുണ്ട്. ഈ സിനിമയിൽ ആകെയുള്ള ഒരു സംഘട്ടനത്തിലൂടെ സിനിമ അവസാനിക്കുമ്പോൾ വെണ്ണിലാ കമ്പടി കൂട്ടം പോലെ ഓർത്തിരിക്കാൻ തക്ക വിധത്തിലുള്ള മൂഹർത്തങ്ങൾ ഒന്നും ഇല്ലെങ്കിൽ കൂടി തരക്കേടില്ലാത്ത ഒരു സിനിമ കണ്ടു എന്ന സന്തോഷത്തോടെ നമ്മുക്ക് തിയറ്റർ വിടാം..!

*കാജൽ അഗർവാൾ എന്തിനു സിനിമയിലെന്ന് ഒരാൾ..!

**അതിപ്പോ കാർത്തി എന്തിനു..? അതിനൊക്കെ തന്നെ..!!

3 comments:

Teuvo Vehkalahti said...

Very nice blog, pleace paste blog tranlator, so the reader will incrase.
Also all looking fotoblog Teuvo imagages

www.ttvehkalahti.blogspot.com

and pleace your comments, thank you

Teuvo

FINLAND

Anonymous said...

ഇത് കണ്ടിരിക്കാവുന്ന ഒരു തമിഴ് ചിത്രമാണു. അവസാന ഭാഗത്ത് വയലൻസ് കുറച്ച് കൂടി എന്ന് മാത്രമേ ഉള്ളു

sujith said...

nallathanalle??

Followers

 
Copyright 2009 b Studio. All rights reserved.