Insidious: Chapter 2

തിയറ്ററിലെ ലൈറ്റുകളണഞ്ഞു. കുറ്റാകുറ്റിരുട്ട്.. സിനിമ തുടങ്ങി. വിശാലമായ ഫസ്റ്റ് ക്ലാസിൽ ആകെ പത്തോ പതിനഞ്ചോ പേർ മാത്രം. അവരാകട്ടെ തിയറ്ററിന്റെ ഓരോ മുക്കിലും മൂലയിലും.. ഒരു പതിനഞ്ചു മിനിട്ട് കഴിഞ്ഞതോടെ ഒരാൾ എഴുന്നേറ്റ് വേറെ ഒരാളുടെ അടുത്ത് പോയിരുന്നു.. അങ്ങനെ അരമണിക്കൂറിനുള്ളിൽ ഒറ്റയ്ക്കിരുന്നു സിനിമ കാണുന്ന ആരും ആ തിയറ്ററിൽ ഇല്ലാതായി.. പക്ഷെ ഞാൻ മാത്രം എഴുന്നേറ്റില്ല.. എന്റെ രണ്ട് വശത്തും രണ്ട് പേർ വന്നിരുന്നിരുന്നു.. നെഞ്ചിടിപ്പ് ചെറുതായിട്ടൊന്നു വർദ്ധിക്കുന്നുണ്ടോ എന്ന് സംശയിക്കുന്ന നിമിഷങ്ങൾ.. ഞെട്ടിയാൽ മറ്റുള്ളവർ എന്ത് വിചാരിക്കും എന്ന് കരുതി ഞെട്ടൽ കടിച്ചമർത്തി ഇരുന്നപ്പോൾ ചുറ്റുമുള്ളവർ രണ്ടും മൂന്നും തവണ ഞെട്ടുന്നത് കണ്ടു. ഒരു ആത്മാവിനെ മറ്റൊരു ആത്മാവ് പേടിപ്പിക്കുന്ന സീനുകൾ.. കോൺജ്യുറിങ്ങിന്റെ സംവിധായകനിൽ നിന്ന് പ്രതീക്ഷിച്ചതെല്ലാം കിട്ടി. ഗീതാഞ്ജലിയിലെ പ്രേതത്തെ കണ്ട് ചിരിച്ച് മടുത്തവർക്ക് ശരിക്കും പേടിക്കണമെന്നുണ്ടെങ്കിൽ ധൈര്യമായി പോകാം.