RSS
കഥയുടെ മൂല്യച്ചുതിയില്‍പ്പെട്ടു ആഗോളതലത്തില്‍ നിഷ്പ്രഭമായിക്കൊണ്ടിരിക്കുന്ന സിനിമയ്ക്ക് യുവത്വം സമര്‍പ്പിക്കുന്ന ലോകത്തേക്ക് സ്വാഗതം

ദൈവമേ വീണ്ടും............!


വല്യേട്ടൻ എന്ന വിജയ ചിത്രത്തിനു ശേഷം നീണ്ട 10 വർഷക്കാലം ഷാജി കൈലാസിനു ഡേറ്റ് നല്കാതിരുന്നതിന്റെ പേരിൽ മെഗാസ്റ്റാർ മമ്മൂട്ടിക്ക് ഒരുപാട് വിമർശനങ്ങൾ കേൾക്കേണ്ടി വന്നിട്ടുണ്ട്. എന്നാൽ മമ്മൂട്ടി ഡേറ്റ് കൊടുത്തില്ല എന്നതിന്റെ പേരിൽ ഷാജി കൈലാസ് എന്ന സംവിധാന പ്രതിഭയ്ക്ക് ഒട്ടും മങ്ങലേറ്റില്ല എന്ന് മാത്രമല്ല മോഹൻലാൽ, സുരേഷ് ഗോപി എന്നീ താരങ്ങളെ വെച്ച് കൊണ്ട് തന്റെ പണി അനുസൂതം തുടരുകയും ചെയ്തു. എന്തിനു പറയുന്നു ദിലീപിനെ വെച്ച് വരെ ഷാജി കൈലാസ് തന്റെ സംവിധാന പാടവം തെളിയിച്ചില്ലേ.. അവസാനം പ്രിത്വിരാജിനെ വെച്ച് നമ്മുടെ ഹിറ്റ് മേക്കർ ഒരു പടം ചെയ്യാൻ തുടങ്ങിയപ്പോഴാണു മമ്മൂട്ടിക്ക് ബോധോദയം ഉണ്ടായത്. ഇനിയും ഷാജി കൈലാസിനു ഡേറ്റ് കൊടുക്കാതിരുന്നാൽ കുഴപ്പമാണു എന്ന്. ഉടനെ വിളിച്ചു ഡേറ്റ് കൊടുത്തു. അങ്ങിനെ നീണ്ട 10 വർഷങ്ങളുടെ ഇടവേളയ്ക്ക് ശേഷം വീണ്ടും ഒരു മമ്മൂട്ടി - ഷാജി കൈലാസ് ചിത്രം ആരാധകരുടെ പ്രതീക്ഷകളെ വാനോളമുയർത്തി റിലീസ് ആവുകയും മലയാള സിനിമാ ചരിത്രത്തിൽ ഇടം പിടിക്കുകയും ചെയ്തു. എന്നാൽ ഇപ്പോഴിതാ മമ്മൂട്ടി ആരാധകർക്ക് ഒരു “സന്തോഷ വാർത്ത”. മെഗാസ്റ്റാറും മെഗാ ഡയറക്ടറും വീണ്ടും ഒന്നിക്കുന്നു. ഇത്തവണ തിരകഥാകൃത്ത് ആവുന്നത് sn സ്വാമി. ജനകന്റെ “വൻ” വിജയത്തിനു ശേഷം sn സ്വാമിയും കൂടി ഈ കൂട്ടുകെട്ടിൽ ചേരുമ്പോൾ ഒരു “സർവ്വകാല ഹിറ്റിൽ” കുറഞ്ഞതൊന്നും മമ്മൂട്ടി ആരാധകർ പ്രതീക്ഷിക്കേണ്ടതില്ല.!

2 comments:

suraj::സൂരജ് said...

ഈ മലവെയ്സ്റ്റിന് സിനിമ ചെയ്യാന്‍ ഇപ്പഴും പ്രൊഡ്യൂസര്‍മാരെ കിട്ടുന്നുണ്ടല്ലോ എന്നോര്‍ക്കുമ്പോള്‍ !!!

b Studio said...

അങ്ങിനെ പറയരുത് ആന്റണി പെരുമ്പാവൂരിന്റെ ഇഷ്ട സംവിധായകനാണു

Followers

 
Copyright 2009 b Studio. All rights reserved.