ഞാനും എന്റെ ചേട്ടനും ഒരു ഭയങ്കര സംഭവാ....! ശരിക്കും...!

അങ്ങനെ മലയാള സിനിമ ആകാംക്ഷപൂർവ്വം കാത്തിരുന്ന ആ പോരാട്ടത്തിൽ അന്തിമ വിജയം ആർക്കെന്നു സിനിമാ ലോകം വിധിയെഴുതി കഴിഞ്ഞു.. എന്റെ പടം ഗംഭീരം.. ചേട്ടന്റെ പടം അതിഗംഭീരം.. ഞങ്ങൾക്കു വയ്യ.. ഞങ്ങൾ രണ്ടു താര സഹോദരന്മാരും കൂടി മലയാളസിനിമ അടക്കിവാഴുന്ന കാലം.. ഓർക്കുബോൾ തന്നെ നിങ്ങൾക്ക് കുളിരു കോരുന്നില്ലേ..??...സിനിമയിലെ എന്റെ പെർഫോമൻസ് കണ്ട എല്ലാവരും എന്നെ വാനോളം പുകഴ്ത്തി. ഞാൻ മോഹൻ ലാലിനെയും കടത്തിവെട്ടും എന്നാണു എല്ലാവരും പറയുന്നത്. മോഹൻലാൽ മാസ്മരിക അഭിനയം കാഴ്ച്ച വെച്ച താണ്ടവം, നാട്ടുരാജാവ്,ഉസ്താദ് എന്നീ സൂപ്പർ ചിത്രങ്ങളെ മറി കിടക്കുന്ന പ്രകടനമല്ലേ ഞാൻ കാണിച്ചത്.. പക്ഷെ ചിലർ അഭിപ്രായപ്പെടുന്നത് ഞാൻ ഇങ്ങനെ മാത്രം അഭിനയിച്ചാൽ പോരാ. മോഹൻലാലിന്റെ റേഞ്ച് ആകണമെങ്കിൽ വാമനപുരം ബസ് രൂട്ട്, ഹരിഹരൻ പിള്ള ഹാപ്പിയാണു തുടങ്ങിയ സിനിമകളിൽ മോഹൻ ലാൽ ചെയ്തപ്പോലെ അഭിനയ സാധ്യത ഉള്ള വേഷങ്ങളും ചെയ്യണംഎന്നാണു. നിങ്ങൾ കാത്തിരിക്കൂ കോളേജ് കുമാരൻ പോലുള്ള “കൊമെഴ്സ്യൽ” സിനിമകളിലും ഫ്ലാഷ്പോലുള്ള “ക്ലാസിക്ക്” സിനിമകളിലും ഫോട്ടോഗ്രാഫർ പോലുള്ള “കലാമൂല്യമുള്ള” സിനിമകളിലും ഒരേസമയം അഭിനയിച്ച് മലയാള സിനിമ കാല്ക്കീഴിൽ ആക്കാൻ പോകുന്ന എന്റെ വരവിനായ്......
ഞാൻവരും സത്യമായിട്ടും ഞാൻ വരും..
പിന്നെ..എന്റെ ചേട്ടന്റെ പ്രകടനം....
മമ്മൂട്ടിക്ക് ഒപ്പം നിർത്താൻപറ്റുന്ന നടൻ ആരാണു എന്ന് ചോദിച്ചാൽ ഇനി നിങ്ങൾക്ക് നിസംശയം എന്റെ ചേട്ടന്റെ പേരു പറയാം അതുമാതിരി ഉള്ള കിടിലൻ അഭിനയം ആയിരുന്നല്ലോ..സിനിമയില്‍. ഇനിയും ഇതുപേലെ ഉള്ള സംവിധായകരുടെ കൂടെ അഭിനയിക്കാനുള്ള ഭാഗ്യം ചേട്ടനു കിട്ടിയാൽ പിന്നെ ചേട്ടൻആരാ....സിധാർഥയിലെ മമ്മൂട്ടിയുടെ ഭാവ പ്രകടനങ്ങളും, ഫാന്റത്തിലെ ആക്ഷൻ രംഗങ്ങളിലെ മെയ്വഴക്കവും ദുബായിലെ ആ രൂപഭാവങ്ങളും എല്ലാം കൂടി സമനയിപ്പിച്ച ഒരു നടന രീതി.. സിനിമ കണ്ട എല്ലവരും പറഞ്ഞു ഇവൻ മമ്മൂട്ടിക്ക് പിൻ ഗാമി തന്നെ എന്ന് എന്തായാലും അച്ചനു എത്തി പിടിക്കാൻ കഴിയാതെ പോയ മലയാള സിനിമയുടെ സൂപ്പർ താര പദവി ഞങ്ങൾ രണ്ടു മക്കൾക്കും നേടാൻ സാധിക്കാനും... എന്നിട്ടു മോഹൻലാലും മമ്മൂട്ടിയും അഭിനയിച്ച പോലെ റോക് ൻ റോൾ, തസ്കരവീരൻപോലുള്ള ചിത്രങ്ങളിൽ അഭിനയിച്ച് മലയാള സിനിമയെ വിസ്മയിപ്പിക്കാനും ഞങ്ങൾക്ക് കഴിയട്ടെഎന്ന് അമ്മ എന്നും പ്രാർത്ഥിക്കാറുണ്ട്... അയ്യോ.. ആ അമ്മയല്ല.. ഞങ്ങടെ സ്വന്തം അമ്മ....