RSS
കഥയുടെ മൂല്യച്ചുതിയില്‍പ്പെട്ടു ആഗോളതലത്തില്‍ നിഷ്പ്രഭമായിക്കൊണ്ടിരിക്കുന്ന സിനിമയ്ക്ക് യുവത്വം സമര്‍പ്പിക്കുന്ന ലോകത്തേക്ക് സ്വാഗതം

കണ്ഡഹാർ - A Must Watch Movie ..!





അമിതാബ് ബച്ചനും മോഹൻലാലും മോരും മുതിരയും പോലെയാണെന്ന് തോന്നുന്നു. എത്ര കൂട്ടി കുഴച്ചാലും ചേരില്ല. പണ്ട് സാക്ഷാൽ രാംഗോപാൽ വർമ്മ ഒന്നു ശ്രമിച്ച് നോക്കിയതാണു. ഹിന്ദി സിനിമയിലെ എവർഗ്രീൻ ഷോലെ റീമേക്ക്. പടം 16 നിലയിൽ പൊട്ടി. അമിതാബും ലാലും ഒരുമിച്ചഭിനയിച്ചത് കൊണ്ടല്ല സിനിമ പൊളിഞ്ഞത്. ഇന്ത്യൻ സിനിമയിലെ രണ്ട് ലെജൻഡ്സ് സ്ക്രീനിൽ മാറ്റുരയ്ക്കുമ്പോൾ സ്വാഭാവികമായി ഉണ്ടാകേണ്ട ഒരു പഞ്ച് സിനിമയ്ക്ക് ഉണ്ടായിരുന്നില്ല എന്നതാണു വാസ്തവം.

അതു കൊണ്ട് തന്നെ ലാലിനെയും ബച്ചനെയും ഒരുമിപ്പിച്ച് ഒരു സിനിമയെടുക്കാൻ തിരുമാനിച്ച മേജർ രവി ഒരു വലിയ വെല്ലു വിളി തന്നെയായിരുന്നു ഏറ്റെടുത്തിരുന്നത്. മലയാളത്തിൽ പട്ടാള സിനിമകളുടെ സംവിധായകനായ മേജർ കുരുക്ഷേത്രയ്ക്ക് ശേഷം വീണ്ടുമൊരു പട്ടാള ചിത്രം വലിയ ഒരു ബഡ്ജറ്റിൽ ഒരുക്കുമ്പോൾ, അതിൽ അമിതാബും ഒത്തു ചേരുമ്പോൾ മോഹൻലാൽ ആരാധകർക്ക് ആഹ്ലാദിക്കാൻ മറ്റെന്തു വേണം.

മലയാള സിനിമയിലെ നിലവിലെ എല്ലാ കളക്ഷൻ റിക്കാർഡുകളും തിരുത്തിയെഴുതപ്പെടുന്ന ഒരു മഹത്തായ സംഭവം ആയി സിനിമ മാറുമെന്നായിരുന്നു ലാൽ ആരാധകരുടെയും മറ്റ് പ്രേക്ഷകരുടെയും പ്രതീക്ഷ. ഒരു സിനിമ എങ്ങനെ മികച്ച രീതിയിൽ മാർക്കറ്റ് ചെയ്യാം എന്ന് നന്നായി അറിയാവുന്ന ഇതിന്റെ വിതരണക്കാരായ മാക്സ് ലാബ് തങ്ങളുടെ പരസ്യ തന്ത്രങ്ങൾ ഉപയോഗിച്ച് പ്രതീക്ഷകൾ വാനോളമുയർത്തി.

കണ്ഡഹാർ..! ഇന്ത്യൻ ജനതയ്ക്ക് ഓർക്കാൻ ഇഷടമില്ലാത്ത ഒരു അധ്യായം. ഇന്ത്യയുടെ യശസ്സിനു മുന്നിൽ എക്കാലത്തും ഒരു കറുത്തപാടായി മായാതെ കിടക്കുന്ന ഒരു ചരിത്ര സത്യം. ലോകരാഷ്ട്രങ്ങളുടെ മുൻപിൽ ഇന്ത്യയുടെ അഭിമാനം ഒരു പറ്റം തീവ്രവാദികൾ ചേർന്ന് പിച്ചി ചീന്തിയ ഒരു നാണം കെട്ട പരാജയത്തിന്റെ കഥ. ഈയൊരു പ്രമേയം സിനിമയാക്കാൻ മേജർ രവി തിരുമാനിച്ചപ്പോൾ തന്നെ എല്ലാവർക്കും ഉറപ്പായിരുന്നു യതാർത്ഥ സംഭവത്തിൽ നിന്ന് വ്യതിചലിച്ച് സിനിമാറ്റിക്ക് ആയ ഒരു ക്ലൈമാക്സ് ആയിരിക്കും മേജർ രവി ഇതിനു നല്കുക എന്നത്. കാരണം പരാജയം ഏറ്റുവാങ്ങുന്ന ഒരു നായകനെ ഇന്നത്തെ മലയാളി പ്രേക്ഷകർ ഒരിക്കലും അംഗീകരിക്കുകയില്ല. പ്രത്യേകിച്ചും നായകൻ മോഹൻലാൽ ആവുമ്പോൾ, ക്ലൈമാക്സിൽ വെറുതെ വെടി വെച്ചിടുന്നതിനു പകരം വില്ലനോട് നാലു ഉഗ്രൻ ഡയലോഗും തോക്കുപേക്ഷിച്ച് ഒരു നല്ല ഫൈറ്റും കൂടിയുണ്ടെങ്കിൽ അത്രയും സന്തോഷം.

മിഷൻ 90 ഡെയ്സിൽ സംഭവിച്ച പിഴവുകൾ ശരിയായി മനസ്സിലാക്കി കൊണ്ടാണു സംവിധായകൻ കണ്ഡഹാർ ഒരുക്കിയിരിക്കുന്നത്.കുടുമ്പ പ്രേക്ഷകരെ കൂടി കയ്യിലെടുത്താൽ വമ്പൻ ഇനീഷ്യൽ കൂടാതെ മികച്ച ലോംഗ് റൺ കൂടിയുറപ്പിക്കാം എന്ന് കരുതി അത്യാവശ്യത്തിനു സെന്റിമെൻസും കൂടി കണ്ഡഹാറിൽ ചേർത്തിട്ടുണ്ട്.പേരു കണ്ഡഹാർ എന്നതാണെങ്കിലും കണ്ഡഹാർ മിഷനു അല്ല സിനിമ പ്രാധാന്യം കൊടുക്കുന്നത്. പട്ടാളക്കാരുടെ ജീവിതത്തിലെ വൈകാരിക മുഹൂർത്തങ്ങൾക്കും കൂടി കണ്ഡഹാറിൽ പ്രാധാന്യമുണ്ട്. ഒപ്പം തീവ്രവാദ റിക്രൂട്ട്മെന്റ് വിഷയങ്ങളും ചിത്രം കൈകാര്യം ചെയ്യുന്നു. മേജർ മഹാദേവന്റെ ഓർമകളിലൂടെയാണു കണ്ഡഹാർ ആരംഭിക്കുന്നത്. മഹാദേവന്റെ നിർബന്ധപ്രകാരം ആർമിയിൽ ചേർന്ന സൂര്യ (ഗണേഷ്) യുടെ മൃതദേഹവുമായി സൂര്യയുടെ അഛനെ (ബിഗ് ബി) കാണെനെത്തുന്നതാണു മേജർ മഹാദേവൻ മഹാദേവൻ.

സിനിമയിൽ പ്രണയമുണ്ട്, കൂടുബ ബന്ധങ്ങളുടെ ഊഷമതകളുണ്ട്, സൗഹൃദത്തിന്റെ കെട്ടുപാടുകളുണ്ട്,വേർപാടിന്റെ വേദനകളുണ്ട് ഒപ്പം അഭിനേതാവായി മേജർ രവിയുമുണ്ട്. മിലിട്ടിറി ക്യാമ്പിലെ കർക്കശക്കാരനായ ഉദ്യേഗസ്ഥനായി വേഷമിടുന്ന മേജർ രവി, മമ്മൂട്ടി അനശ്വരമാക്കിയ നായർ സാമ്പിലെ കഥാപാത്രത്തെ വികലമായി അനുകരിച്ച് സ്വയം അപഹാസ്യനാവുകയാണു ഉണ്ടായത്. മോഹൻലാൽ, അമിതാബ് ബച്ചൻ എന്നിവരിൽ നിന്നും ഏകപക്ഷീയമായ ഒരു അത്യുഗ്രൻ പ്രകടനം ഒന്നും സിനിമയിൽ കാണുകയില്ല. കാരണം ഇത് ഒരു വൺ മാൻ ഷോ അല്ല. സുമലത, കെപിസി ലളിത, ഗണേഷ് തുടങ്ങി എല്ലാവരും ഒരു പോലെ തങ്ങളുടെ വേഷങ്ങൾ ഭംഗിയാക്കിയിട്ടുണ്ട്.

ഒരു പട്ടാള സിനിമയ്ക്ക് ചേരുന്ന രീതിയിൽ തന്നെ ഇതിന്റെ ഛായാഗ്രഹണം നിർവ്വഹിക്കപ്പെട്ടിട്ടുണ്ട്. ചില പാട്ടുകൾ സിനിമയ്ക്ക് ഒരു ബാധ്യത തന്നെയാണു. ഇത്തരം ഒരു ചിത്രം ഒരുക്കുമ്പോൾ ഉണ്ടാകേണ്ട ടെക്നിക്കൽ പെർഫക്ഷൻ വരുത്തുന്നതിൽ അണിയറ പ്രവർത്തകർ വേണ്ടത്ര വിജയിച്ചിട്ടില്ല. മേജർ രവിയുടെ മുൻ ചിത്രങ്ങളെ അപേക്ഷിച്ച് വലിയ കാൻ വാസിൽ ഒരുക്കപ്പെട്ടെങ്കിലും ത്രസിപ്പിക്കുന്ന കമാൻഡോ ഓപ്പറേഷനുകളും ശ്വാസമടക്കിപിടിച്ചിരുന്നു കാണേണ്ട വെടിവെയ്പ്പുകളും ബോംബാക്രമണങ്ങളും, ചടുലമായ ആക്ഷൻ രംഗങ്ങളും ദേശഭക്തി തുളുമ്പുന്ന ഡയലോഗുകളും (മലയാളത്തിൽ) പ്രതീക്ഷിച്ചെത്തിയ ആരാധക വൃന്ദം പാടെ നിരാശപ്പെടുന്ന കാഴ്ച്ചയാണു തിയറ്ററിൽ കാണുക. കോടികൾ മുടക്കിയ ബ്രഹമാണ്ഡ ചിത്രത്തിനു ഒരു തരത്തിലും ആരാധകരെ ആകർഷിക്കാനാവുന്നില്ല എന്നതാണു ഖേദകരമായ വസ്തുത.

ഇവിടെയാണു പ്രസക്തമായ ഒരു ചോദ്യം ഉയർന്നു വരുന്നത്. ഫാൻസ് എന്ന വിഭാഗത്തിനു ഇഷ്ടപ്പെടണം എന്നതാണോ ഒരു നല്ല സിനിമയ്ക്കുള്ള മാനദണ്ഡം. അങ്ങിനെയെങ്കിൽ പോക്കിരി രാജ നല്ല സിനിമയും, പ്രാഞ്ചിയേട്ടൻ മോശം സിനിമയും ആണെന്ന് പറയേണ്ടി വരും. പക്ഷെ ഒരേ സമയം താര പരിവേഷത്തിന്റെ ഉച്ചകോടിയിൽ നില്ക്കുന്ന പോക്കിരിരാജയാവാനും, താരപരിവേഷമില്ലാത്ത പച്ചയായ മനുഷ്യനായി ക്യാമറയ്ക്കു മുൻപിൽ പെരുമാറുന്ന പ്രാഞ്ചിയേട്ടനാവാനും, രണ്ടു കഥാപാത്രങ്ങളും പ്രേക്ഷകരെ കൊണ്ട് സ്വീകരിപ്പിക്കാനും അത് അവതരിപ്പിച്ച നടനു കഴിയുന്നുണ്ട് എന്നതാണു അതിന്റെ ഉത്തരവും.

ഇവിടെ മോഹൻലാൽ എന്ന താരം നേരിടുന്ന ഏറ്റവും വലിയ വെല്ലു വിളി അദ്ദേഹത്തിന്റെ ഫാൻസിൽ നിന്നു തന്നെയാണെന്ന് കണ്ഡഹാർ ഒരിക്കൽ കൂടി തെളിയിക്കുകയാണു. താരത്തിന്റെ അമാനുഷിക പ്രകടനം ആഗ്രഹിച്ച് നിരാശരായ ആരാധകർ പ്രചരിപ്പിക്കുന്ന പോലെ അത്രയും മോശം സിനിമയല്ല കണ്ഡഹാർ. എന്നാൽ ഒരു മികച്ച സിനിമയുമല്ല.

പ്രണവം ഇന്റർനാഷണലിന്റെ ബാനറിൽ സുനിൽ ചന്ദ്രിക നായർ നിർമ്മിച്ച സിനിമ പക്ഷെ ആദ്യ ദിവസം തന്നെ മോശം പ്രതികരണമാണു തിയറ്ററുകളിൽ ഉള്ളവാക്കിയത്. കടുത്ത മോഹൻലാൽ ആരാധകനെ കൊണ്ടു പോലും മോശം, പോരാ എന്ന അഭിപ്രായം പറയിപ്പിച്ച സിനിമയ്ക്ക് നേരെ സാധാരണ പ്രേക്ഷകൻ മുഖം തിരിക്കുന്നുവെങ്കിൽ ആരെയും കുറ്റപ്പെടുത്താൻ സാധിക്കുകയില്ല. രാജ്യ സ്നേഹം പ്രമേയമാക്കിയ നിരവധി സിനിമകൾ പല ഇന്ത്യൻ ഭാഷകളിലുമായി ഇറങ്ങിയിട്ടുണ്ട്. റോജ , ബോർഡർ പോലുള്ള സിനിമകൾ എല്ലാ തരം പ്രേക്ഷകരും ഒരു പോലെ സ്വീകരിച്ചവയാണു..

എന്നാൽ കുപ്പിയിലാക്കി വില്ക്കാൻ ശ്രമിച്ചാൽ വിറ്റു പോകുന്ന ഒന്നല്ല രാജ്യ സ്നേഹം എന്നത് ഇങ്ങനെയുള്ള സിനിമകൾ ഒരുക്കുന്നവർ അറിഞ്ഞിരിക്കേണ്ട കാര്യമാണു. കുപ്പി ആരും വാങ്ങാത്തത് കൊണ്ട് ആർക്കും രാജ്യ സ്നേഹമില്ല എന്ന് വിലപിക്കുന്നതൊക്കെ മിതമായ ഭാഷയിൽ പറഞ്ഞാൽ ശുദ്ധ ഭോഷ്ക്കാണു. അതു കൊണ്ട് തന്നെ കണ്ഡഹാർ മോശം പടമാണു എന്നു പറയുന്ന പ്രേക്ഷകർ രാജ്യ ദ്രോഹികളാണു എന്നൊക്കെയുള്ള പരസ്യ തന്ത്രങ്ങൾ തീർത്തും ലജ്ജാവഹമാണു.ആരാധകർ എന്ന ലേബലിൽ ചിലർ പടച്ചു വിടുന്ന ഇത്തരം അസംബന്ധങ്ങൾ അവരുടെ തന്നെ സംസ്കാരശ്യൂനതയാണു വെളിവാക്കുന്നത്.

എന്തൊക്കെയായാലും മിലിട്ടിറി കഥകൾ എടുക്കാൻ ഒരുങ്ങുന്ന സംവിധായകർ തീർച്ചയായും കണ്ടിരിക്കേണ്ട ഒരു സിനിമയാണു ഇത്. നാളത്തെ പട്ടാള സിനിമകളുടെ ഒരു റെഫറൻസ് ആയി കണ്ഡഹാർ അറിയപ്പെടും. ഒരു പട്ടാള സിനിമ ഇങ്ങനെ ആയിരിക്കരുത് എന്ന്...!

*ഈ സിനിമയെ പറ്റി കൂടുതൽ കുറ്റം പറഞ്ഞാൽ സെക്ഷൻ 304 പ്രകാരം തീവ്രവാദിയായി മുദ്രകുത്തുമെന്ന്..!

**അയ്യോ നമ്മളില്ലേ.. ജയ് ബച്ചൻ ജി, ജയ് ലാൽ ജി, ജയ് കണ്ഡഹാർ...!!

8 comments:

Anonymous said...

i understand this review as the irritation caused for a common mammootty fan, with the success of this movie. grt yaar..

Anonymous said...

Great FLOP

Sameer Thikkodi said...

കാണണോ അതോ ഇനിയും കാത്തിരിക്കണോ TV യില്‍ വരുന്നത് വരെ ?

Anonymous said...

ഒരു പ്റധാന സംശയം മേജറ്‍ രവി യഥാറ്‍ഥ്മായി മേജറ്‍ ആണോ? അതോ പട്ടാളത്തില്‍ കുശിനിക്കാരന്‍ ആയിരുന്നോ? ഇന്നലെ ബെസ്റ്റ്‌ ആക്റ്ററ്‍ കാണാന്‍ പോയപ്പോള്‍ തിയേറ്ററിനു മുന്നില്‍ നിന്നു കടല വില്‍ക്കുന്ന ഒരു മോഹന്‍ലാല്‍ ഫാന്‍ ദയനെയതയോടെ പറയുന്നു നമ്മടെ തിരുവനന്തപുരത്ത്‌ മമ്മൂട്ടിയുടെ പടം ഹൌസ്‌ ഫുള്‍ ആയി ഓടുന്നു കാണ്ഢഹാറ്‍ എന്തിനു മോഹന്‍ ലാല്‍ നിറ്‍മ്മിച്ചു, അതില്‍ മോഹന്‍ ലാലിനു ഗസ്റ്റ്‌ റോള്‍ അല്ലേ ഉള്ളു ആ പാവം ഫാനിണ്റ്റെ വികാരം പോലും പരിഗണിക്കാന്‍ അറിയില്ലെങ്കില്‍ എന്തിനു സൂപ്പര്‍ സ്റ്ററ്‍ മെഗ സ്റ്റാറ്‍ എന്നൊക്കെ പറഞ്ഞു നടക്കുന്നു കുടവയറ്‍ കുറയ്ക്കാതെ ആക്ഷന്‍ ചെയ്യാന്‍ പ്റയാസം കഥ എന്താണെന്നെങ്കിലും കേള്‍ക്കണ്ടെ നിറ്‍മ്മാതാവും പ്റധാന നടനും വൈകിട്ടത്തെ പരിപാടി മാത്റം മതിയോ?

ശ്രീ said...

കണ്ടിട്ട് അഭിപ്രായം പറയാം

കിഷോര്‍ലാല്‍ പറക്കാട്ട്||Kishorelal Parakkat said...

kandu..

adyathe 25 minute bore adippichu konnu.. Ganesh Venkataramanum Amitabhum koodiyulla sequencum mattum vamban bore..

Oru avashyavum illathe vachu oru action sequence undu.. *ing Mohanlal and Maj Ravi... athanu 1st good thing in the movie...

Special effects ellam valare bore ayittundu..

training contrast of Army camp and Terrorist camp is looking good.. pakshe nalla actorsine upayogikkamayirunnu..

Anonymous said...

padam kandu..a good watchable film..

rohit said...

http://www.youtube.com/watch?v=vDOM1rk_jso

Followers

 
Copyright 2009 b Studio. All rights reserved.