RSS
കഥയുടെ മൂല്യച്ചുതിയില്‍പ്പെട്ടു ആഗോളതലത്തില്‍ നിഷ്പ്രഭമായിക്കൊണ്ടിരിക്കുന്ന സിനിമയ്ക്ക് യുവത്വം സമര്‍പ്പിക്കുന്ന ലോകത്തേക്ക് സ്വാഗതം
Showing posts with label malayalam. Show all posts
Showing posts with label malayalam. Show all posts

ഒപ്പം - Film Review


മലയാളത്തിലെ ഏറ്റവും വലിയ ഹിറ്റ് കൂട്ടുകെട്ടായ പ്രിയദർശൻ മോഹൻലാൽ ഗീതാഞ്ജലിക്ക് ശേഷം ഒന്നിക്കുന്ന ചിത്രമാണു ഒപ്പം. ആന്റണി പെരുബാവൂർ നിർമ്മിച്ചിരിക്കുന്ന ചിത്രത്തിനു തിരകഥ പ്രിയദർശൻ തന്നെയാണു ഒരുക്കിയിരിക്കുന്നത്. നെടുമുടി വേണു , അനുശ്രീ , വിമലരാമൻ, ബേബി മീനാക്ഷി എന്നിവർ ചിത്രത്തിൽ പ്രധാന വേഷങ്ങളിലെത്തുന്നു.

കഥ

ഒപ്പം ജന്മനാ അന്ധനായ ജയരാമൻ എന്ന മദ്ധ്യവയസിലേക്ക് കടക്കുന്ന ഒരു യുവാവിന്റെ കഥയാണു. അന്ധത കാരണം താൻ മറ്റുള്ളവർക്ക് ഒരു ഭാരമായി തീരരുത് എന്ന് നിർബന്ധ ബുദ്ധി ഉള്ളത് കൊണ്ട് സ്പർശനം കൊണ്ടും സാമീപ്യം കൊണ്ടും മണം കൊണ്ടുമെല്ലാം കാഴ്ച്ചയുള്ളവരെക്കാൾ നന്നായി തിരിച്ചറിവ് ഉണ്ടാക്കാൻ ജയരാമൻ ചെറുപ്പം മുതലേ പരിശ്രമിച്ച് അതിൽ വിജയം കണ്ടെത്തിയ ആളാണു. ഇപ്പോൾ പുള്ളിക്കാരൻ ഒരു ലിഫ്റ്റ് ഓപ്പറേറ്ററായാണു ജോലി ചെയ്യുന്നത്.

 അങ്ങനെയിരിക്കെ ആ ഫ്ലാറ്റിലെ ഒരു കൊലപാതകത്തിനു ജയരാമനു സാക്ഷിയാകേണ്ടി വരുന്നു. കാഴ്ച്ചയില്ലാത്ത ജയരാമൻ എങ്ങനെ സാക്ഷിയാകും എന്ന സംശയം ഉയർന്നു വന്നേക്കാം എന്നുള്ളത് കൊണ്ട് കട്ടവനെ കണ്ടില്ലെങ്കിൽ കണ്ടവനെ പിടിക്കുക എന്ന പൊതു തത്വം പ്രകാരം സംശയത്തിന്റെ മുന ജയരാമനിലേക്ക് നീളുന്നു. തന്റെ നിരപരാധിത്വം തെളിയിക്കേണ്ടത് തന്റെ മാത്രം ആവശ്യമായത് കൊണ്ട് കണ്ണില്ലാത്ത ജയരാമൻ കണ്ടിട്ടില്ലാത്ത കൊലയാളിയെ കണ്ടു പിടിക്കാനായി ഇറങ്ങുകയാണു. അതെ എന്റെ ഒപ്പം എല്ലാവരുമുണ്ട് , അവന്റെ ഒപ്പം ഞാനുമുണ്ട്..!!!!!!

വിശകലനം. 

ഒരിക്കലും മടുക്കില്ലാത്ത ഒരുപിടി സിനിമകൾ മലയാളികൾക്ക് സമ്മാനിച്ച ഒരു കൂട്ടുകെട്ട് വീണ്ടുമൊരുമിക്കുമ്പോൾ വലിയ ഒരു വിജയം സിനിമ ലോകം പ്രതീക്ഷിക്കുന്നതാണു പതിവ്. എന്നാൽ പ്രിയദർശൻ എന്ന സംവിധായകന്റെ അവസാനത്തെ പടങ്ങളുടെ ഒരു നിലവാരം വെച്ച് അളക്കപ്പെടുമ്പോൾ അങ്ങനെയൊരു മിഥ്യാധാരണ സാമാന്യ ബുദ്ധി ഉള്ള ഒരു പ്രേക്ഷകൻ വെച്ചു പുലർത്തില്ല എന്നതാണു സത്യം. 19 വർഷങ്ങൾക്ക് മുൻപ് ഇറങ്ങിയ ചന്ദ്രലേഖയാണു ഈ കൂട്ടുകെട്ടിൽ രസിപ്പിച്ച അവസാനത്തെ സിനിമ എന്നുള്ളപ്പോൾ പ്രത്യേകിച്ചും..! 

എന്നാൽ അപ്രതീക്ഷിതം എന്ന് പറയട്ടെ അവിചാരിതം എന്ന് പറയട്ടെ എല്ലാ മുൻ വിധികളെയും തകിടം മറിച്ചു കൊണ്ട് ഒപ്പം ഒരു നല്ല സിനിമ ആയി മാറുകയാണു ഉണ്ടായത്. ഒരു ഓണക്കാലത്ത് വെക്കേഷൻ അടിച്ചു പൊളിക്കാൻ കുട്ടികളും കുടുബങ്ങളുമൊക്കെയായെത്തി കോമഡി കണ്ട് ആർത്തുലസിച്ച് കാണാവുന്ന സിനിമ അല്ല ഒപ്പം. ഇതൊരു സസ്പെൻസ് ത്രില്ലർ ആണു. കോമഡിയുടെ ആധിക്യമിലാതെ തന്നെ സസ്പെൻസ് ചേരുവകൾ വേണ്ട രീതിയിൽ ഉപയോഗിച്ച് പ്രേക്ഷകനെ പിടിച്ചിരുത്താൻ ഒപ്പത്തിനു സാധിക്കുന്നു. മോഹൻ ലാൽ എന്ന നടന്റെ പ്രകടനം അന്യഭാഷ മൊഴി മാറ്റ ചിത്രങ്ങളിൽ കണ്ട് നിർവൃതി അടയാൻ വിധിക്കപ്പെട്ട ആരാധകർക്ക് ഒരു ആഘോഷം തന്നെയാണു ഈ സിനിമ. 

തന്റെ കൈയിലെ സ്റ്റോക്ക് തീർന്നു എന്ന വിമർശനങ്ങൾക്ക് തകർപ്പൻ മറുപടിയുമായി പ്രിയദർശൻ തിരിച്ചു വന്നിരിക്കുന്നു. പ്രിയദർശന്റെ മെഗാഹിറ്റ് സിനിമകൾ പരിശോധിച്ചാൽ തിരകഥ രചിച്ചിരിക്കുന്നത് മറ്റ് പലരുമാണു എന്ന് മനസ്സിലാക്കാം. എന്നാൽ തന്റെ സംവിധാന മികവ് കൊണ്ട് ആ ക്രെഡിറ്റും കൂടി സ്വന്തം പേരിലാക്കാൻ കഴിവുണ്ടായിരുന്ന ആ വലിയ സംവിധായകൻ പിന്നീട് ബോളിവുഡിലേക്ക്  ചേക്കേറി മലയാളത്തിൽ നിന്ന് കോപ്പിയടിച്ച് ഹിന്ദിയിൽ കൊണ്ട് പോയി അവിടെ നിന്ന് ഇങ്ങോട്ട് കോപ്പി ചെയ്ത് അങ്ങനെ അഴകൊഴമ്പ് പരുവമാക്കിയ നിരവധി സിനിമകളുണ്ട്. അതു കൊണ്ട് തന്നെയാണു തിരകഥ എഴുതുന്നത് പ്രിയദർശൻ ആയത് കൊണ്ട് സംശയ ദൃഷ്ടിയോടെ എല്ലാവരും വീക്ഷിച്ചത്. എന്നാൽ ഒപ്പം സിനിമയുടെ തിരകഥ വേറെ ഏതെങ്കിലും സിനിമയുടെ അടിച്ചുമാറ്റൽ ആണെന്ന് തെളിയിക്കപ്പെടുന്നത് വരെയെങ്കിലും ഇതൊരു നല്ല സൃഷ്ടി തന്നെയാണു.

 മനോഹരമായ ദൃശ്യങ്ങളും ഗാനങ്ങളും എന്നും പ്രിയദർശൻ സിനിമകളുടെ മുതൽ കൂട്ടായിരുന്നു ഒപ്പത്തിൽ അത് ആവർത്തിക്കപ്പെട്ടു. ട്രെയിലർ എഡിറ്റ് ചെയ്തത് അല്ഫോൺസ് പുത്രൻ ആയത് കൊണ്ട് സിനിമയും അല്ഫോൺസ് ആയിരിക്കും എന്ന് കരുതുന്നവർ ആ ധാരണ തിരുത്തുക. സിനിമയുടെ എഡിറ്റിംഗ് വൃത്തിയായി അയ്യപൻ നായർ ചെയ്തിട്ടുണ്ട്. മോഹൻലാലിന്റെ കരിയറിൽ ഒരു മുതല്കൂട്ടാവാനുള്ള അഭിനയ സാധ്യത ഒന്നും ഒപ്പത്തിലില്ല എങ്കിലും തന്റെ പേരിൽ ഒരു സൂപ്പർ ഹിറ്റ് എഴുതി ചേർക്കാൻ ഒപ്പത്തിലൂടെ ലാലിനു കഴിഞ്ഞു. സഹനടന്മാരുടെ ശക്തമായ സപ്പോർട്ട് ഒപ്പത്തിനെ മികച്ചതാക്കുന്നു.  പ്രത്യക്ഷത്തിൽ എടുത്ത് പറയേണ്ടതായ ന്യൂനതകളൊന്നും ചിത്രത്തിനില്ല എങ്കിലും ഒരു മഹത്തായ ത്രില്ലർ സിനിമ ആയില്ല എന്ന് വിലപിക്കേണ്ടവർക്ക് അങ്ങനെയും ആവാം..!!

പ്രേക്ഷക പ്രതികരണം

ആമയും മുലയും ഗീതാഞ്ജലിയുമൊക്കെ കണ്ട് ഹൃദയം തകർന്ന പ്രേക്ഷകർ ഈ സിനിമ കണ്ട് മനസ്സ് നിറഞ്ഞു

ബോക്സോഫീസ് സാധ്യത

ഈ ഓണം ലാലേട്ടനോടൊപ്പം

റേറ്റിംഗ് : 3.5 / 5 

അടിക്കുറുപ്പ്: കുട്ടികൾ , കുടുബം, പഴതൊലി തമാശ, പൊട്ടിച്ചിരി അതാണുദ്ദേശമെങ്കിൽ കുറച്ചങ്ങോട്ട് മാറി നില്ക്കുക.. !!! 

ഷാജഹാനും പരീക്കുട്ടിയും - Film Review


ഹാപ്പി ജേർണി എന്ന ചിത്രത്തിനു ശേഷം ബോബൻ സാമുവേൽ സംവിധാനം ചെയ്ത സിനിമയാണു ഷാജഹാനും പരീക്കുട്ടിയും. ജയസൂര്യ, കുഞ്ചാക്കോ ബോബൻ അമല പോൾ എന്നിവർ പ്രധാന വേഷങ്ങളിലെത്തിയ ചിത്രത്തിന്റെ തിരകഥ രാജേഷാണു ഒരുക്കിയിരിക്കുന്നത്. പെരുന്നാൾ ആഘോഷിക്കാൻ തിയറ്ററുകളിലെത്തുന്ന കുട്ടികളെയും കുടുബങ്ങളെയും രസിപ്പിക്കുക എന്നതാണു ചിത്രത്തിന്റെ അണിയറ പ്രവർത്തകർ ലക്ഷ്യമിട്ടിരിക്കുന്നത്. 

കഥ
ജിയ എന്ന കോടീശ്വരിയായ പെൺകുട്ടിക്ക് ഒരു കാർ ആക്സിഡന്റ് സംഭവിക്കുന്നു. ആക്സിഡന്റിനു ശേഷം ജിയക്ക്  ഓർമ്മക്കുറവ് അനുഭവപ്പെടുന്നു. താനുമായി തന്റെ അഛൻ കല്യാണം ഒറപ്പിച്ച മേജർ രവിയെ പോലും ജിയക്ക് തിരിച്ചറിയാൻ സാധിക്കുന്നില്ല. ജിയയുടെ ലൈഫിൽ ഒരു പി എന്ന അക്ഷരത്തിൽ തുടങ്ങുന്ന വ്യക്തി ഉണ്ടെന്ന് ജിയയുടെ മാതാപിതാക്കൾ മനസ്സിലാക്കുന്നു.

 ജിയയെ തേടി ആ പി എത്തുന്നു. ഒരു പി അല്ല രണ്ട് പി. കോടീശ്വരനായ പ്രണവ് മേനോനും ഒരു ലോക്കൽ ഗുണ്ടയായ പ്രിൻസും. രണ്ട് പേരും പറയുന്നത് അവർ ജിയയുടെ കാമുകന്മാരാണു എന്നാണു. ഗുണ്ടയായ പ്രിൻസിന്റെ നന്മ തിരിച്ചറിഞ്ഞ ജിയയോട് പ്രിൻസാണു പ്രേമാഭ്യർത്ഥന നടത്തിയതെങ്കിൽ പ്രണവ് മേനോനെ ജിയ പിന്നാലെ നടന്ന് പ്രേമിച്ചതാണു എന്നാണു പറയുന്നത്. ഇതിലെ സത്യം കണ്ട് പിടിക്കാൻ ജിയയുടെ പ്രതിശ്രുത വരനായ രവിയും സുഹൃത്ത് മാത്യൂസും ശ്രമിച്ചെങ്കിലും അവർ മനസിലാക്കിയത് ഇതാണു. ഈ രണ്ട് പേരിൽ ഒരാൾ ഷാജഹാൻ എങ്കിൽ മറ്റേയാൾ പരീക്കുട്ടിയാണു...!! 

വിശകലനം 

റോമൻസ് , ജനപ്രിയൻ പോലുള്ള നല്ല സിനിമകൾ ഒരുക്കിയ ബോബൻ സാമുവേലിന്റെ കരിയറിലെ ഏറ്റവും മോശം സിനിമ എന്ന വിശേഷണത്തോടെ ഷാജഹാനും പരീക്കുട്ടിയുടെയും വിശേഷങ്ങളിലേക്ക് കടക്കാം. റോമൻസ് പോലുള്ള ഹിറ്റ്   സിനിമയ്ക്ക് തിരകഥയൊരുക്കിയ രാജേഷിൽ നിന്നും വളരെ നിലവാരം കുറഞ്ഞ ഒരു സൃഷ്ടിയാണു ഇത്തവണ ഉത്ഭവിച്ചിരിക്കുന്നത്.  

ബോബൻ സാമുവേൽ മലയാള സിനിമയിലെ ഏറെ പ്രതീക്ഷ നല്കുന്ന ഒരു സംവിധായകൻ ആണു. അദ്ദേഹത്തിൽ നിന്ന് ഇത്തരം നിരുത്തരവാദപരമായ കലാസൃഷ്ടികൾ സംഭവിക്കുന്നതിലാണു ഏറെ സങ്കടം. അഭിനേതാക്കളിൽ ജയസൂര്യയും കുഞ്ചാക്കോയും നല്ല രീതിയിൽ പ്രകടനം കാഴ്ച്ച വെച്ചിട്ടുണ്ട്. ഏത് ടൈപ്പ് റോളും ഉജ്ജ്വലമാക്കുന്ന നടനാണു താനെന്ന് പിന്നെയും ജയസൂര്യ തെളിയിച്ചു. അമല പോളിന്റെ അഭിനയവും തരക്കേടിലായിരുന്നു. കോമഡിക്കായി അജുവർഗീസും സുരാജും നടത്തിയ ശ്രമങ്ങളിൽ ഏറിയ പങ്കും പരാജയങ്ങൾ ആയിരുന്നെങ്കിലും  ഒന്ന് രണ്ടെണ്ണം കയ്യടി നേടി. 

പഴയ സിനിമ ഗാനങ്ങളുടെ വരികൾ കോർത്തിണക്കിയ ഒരു ഗാനവും മനോഹരമായ ഛായാഗ്രഹണവും ജയസൂര്യയുടെ കഥാപാത്രത്തിന്റെ ദളപതി അവതരണവും ഒഴിച്ച് നിർത്തിയാൽ ഒരു  കോമഡി സിനിമ എന്ന നിലയിൽ   ഷാജഹാനും പരീക്കുട്ടിയും സമ്പൂർണ്ണ പരാജയമാണു. ചിത്രത്തിന്റെ പേരിനും കഥയ്ക്കും തമ്മിൽ യാതൊരു ബന്ധവുമില്ല എന്നിരിക്കെ ഇത്തരമൊരു പേരു ഈ സിനിമയ്ക്ക് ഇടുകയും അതിനെ സാധൂകരിക്കാൻ ഒരു ഡയലോഗ് സിനിമയിൽ കുത്തി കയറ്റുകയും ചെയ്തത് ആരായാലും അയാൾക്ക് നന്ദി നല്ല നമസ്ക്കാരം

പ്രേക്ഷക പ്രതികരണം

ബോബൻ സാമുവേൽ സിനിമ എന്ന പ്രതീക്ഷയോടെ എത്തിയവർ പാടേ നിരാശരായി മടങ്ങി.

ബോക്സോഫീസ് സാധ്യത

പെരുന്നാൾ അവധി ദിവസങ്ങളുടെ പിൻബലമുള്ളത് കൊണ്ട് ആദ്യ ആഴ്ച്ച തിയറ്ററുകളിൽ നിന്ന് സിനിമ തെറിക്കില്ല.

റേറ്റിംഗ്: 2/5

അടിക്കുറിപ്പ്: ഈ സിനിമ കണ്ട് ആരെങ്കിലും അടിപൊളി എന്ന പറഞ്ഞാൽ ഓർക്കുക അയാൾ ജീവിതത്തിൽ കാണുന്ന ആദ്യത്തെ സിനിമയായിരിക്കും ഇത്..!!

James And Alice - Film Review


Style - Film Review


ലാല്‍ ജോസ് വിതരണം ചെയ്യുന്ന സിനിമകള്‍ക്ക് എല്ലാം കഷ്ടകാലം ആണെന്നു തോന്നുന്നു ഒരാഴ്ച്ച തികച്ചാല്‍ ഭാഗ്യം

To read  Full review click

http://www.lifestylekeralam.com/style_film_review.html

അടി കപ്യാരെ കൂട്ട മണി. - Film Review


ക്ലൈമാക്സ് വരെ രസിച്ചിരുന്ന പ്രേക്ഷകര്‍ ക്ലൈമാക്സിനു ശേഷം ഇതെന്താപ്പോ ഇവിടെ നടന്നേ.. ഇന്നെന്താ വിഷുവാ..!!!
To read full review 
http://www.lifestylekeralam.com/adi_kapyare_kootta_mani_review.html 

2 കണ്ട്രീസ്. - Film Review


ഈ ചിത്രത്തിന്റെ റിലീസിനു മുന്‍പ് ഫേസ്ബുക്കില്‍ എനിക്കെതിരെ ഇത്തവണ അപവാദ പ്രചരണമൊന്നു ഉണ്ടായില്ലാ എന്ന് പോസ്റ്റിട്ട ദിലീപേട്ടനോട് ഒരു വാക്ക്. അപവാദ പ്രചരണങ്ങള്‍ കൊണ്ടല്ല താങ്കളുടെ സമീപകാല സിനിമകള്‍ പരാജയപ്പെട്ട് പോയത് . അത് വിജയിക്കാന്‍ അര്‍ഹത ഇല്ലാത്തത് കൊണ്ട് തന്നെയായിരുന്നു. 100 ശതമാനം പരാജയം അര്‍ഹിക്കുന്ന താങ്കളുടെ ചില സിനിമകള്‍ വരെ മെഗാഹിറ്റ് ആക്കിയിട്ടുള്ള മലയാളി പ്രേക്ഷകരെ ഇങ്ങനെ അണ്ടര്‍ എസ്റ്റിമേറ്റ് ചെയ്യരുത് ദിലീപേട്ടാ..! ഇതു പോലെയുള്ള നല്ല സിനിമകള്‍ തരു.. പ്രേക്ഷകര്‍ ഇരു കൈയ്യും നീട്ടി സ്വീകരിക്കും..!! 

To read full review
http://www.lifestylekeralam.com/2_countries_film_review.html

ജോ & ദി ബോയ് - Film review


 if you can dream it you can do it, Try to be different
ഇങ്ങനെയുള്ള വൺ ലൈനർ ഉപദേശങ്ങൾ കേൾക്കാനായിരുന്നെങ്കിൽ വാട്ട്സ് അപ്പിലെ
കോണ്ടാക്ട്സിൽ ഉള്ളവരുടെ സ്റ്റാറ്റസ് നോക്കിയാൽ മതിയായിരുന്നല്ലോ എന്ന്..!!\
To read full review click
http://www.lifestylekeralam.com/jo_and_theboy_film_review.html

BEN - Film Review



വിപിൻ  ആറ്റ്ലി. മലയാളസിനിമ കൃത്യമായി  ഫോളോ ചെയ്യുന്നവർക്കല്ലാതെ  അധികം  പ്രേക്ഷകർക്ക് സുപരിചിതമല്ലാത്ത പേരു. അറിയാത്തവർക്കായി പരിചയപ്പെടുത്താം കുറച്ച് കാലങ്ങൾക്ക് മുൻപ് റിലീസ് ചെയ്ത തിയറ്ററുകളിൽ ദയനീയ പരാജയം ഏറ്റു വാങ്ങിയ ഹോമ്മിലി മീൽസ് എന്ന  മനോഹര ചിത്രത്തിന്റെ തിരകഥാകൃത്തും നായകനും.  ഹോമിലി മീൽസ് എന്ന  സിനിമ സിനിമയെ  ഇഷ്ടപ്പെടുന്നവരെ ഉദ്ദേശിച്ചിട്ടുള്ളതായിരുന്നു. അവരുടെ കഥയാണു ആ ചിത്രം പറഞ്ഞു പോയത്. അതു  കൊണ്ട് തന്നെ സിനിമ ഇഷ്ടപ്പെടുന്ന ബഹുഭൂരിപക്ഷം  പ്രേക്ഷകർക്കും ആ സിനിമയോട് ശരിയായ രീതിയിൽ സംവദിക്കാൻ  കഴിയാതെ പോയി. 

എന്നാൽ ആദ്യ ചിത്രത്തിന്റെ പരാജയത്തിൽ തളരാതെ സംവിധാനത്തിലേക്കു കൂടി കൈവെച്ച് കൊണ്ട് വിപിൻ ഒരുക്കിയ സിനിമയാണു ബെൻ. ഈ കഴിഞ്ഞ വെള്ളിയാഴ്ച്ച  റിലീസിനെത്തിയ  മലയാള  സിനിമകളിൽ ഒന്നായ സോൾട്ട് മാഗോട്രീയും ബെനും തമ്മിലുണ്ടായ  സാമ്യത    യാദൃശ്ചികം മാത്രമാകാം. സോൾട്ട് മാഗോട്രീയിൽ ഒരു വലിയ  സ്കൂളിൽ മകനെ  പഠിപ്പിക്കാൻ  ആഗ്രഹിക്കുന്ന  അതേ അമ്മ തന്നെയാണു  ബെനിലും ഉള്ളത്.  അമ്മയുടെ  ആഗ്രഹം പോലെ  ആ വലിയ സ്കൂളിൽ  അഡ്മിഷൻ കിട്ടുന്നിടത്ത് സോൾട്ട് മാഗോ ട്രീ അവസാനിച്ചെങ്കിൽ  അതിനു ശേഷമുള്ള  കാര്യങ്ങളാണു ബെനിൽ  പറയുന്നത്. 

 മുളവുകാട് എന്ന  സ്ഥലത്ത്  താമസിക്കുന്ന ചൗലോ ചേട്ടനും പ്ലമീനേടത്തിക്കും നാലു  മക്കളാണു.അതിൽ നാലമത്തേ ആളിന്റെ മകനായാണു ബെനിന്റെ ജനനം.  വീട്ടിലെ മറ്റ് കുട്ടികളായ ചക്കൂച്ചിയോടും ചാമിയോടുമൊപ്പം കളിച്ച് രസിച്ച്  ബെൻ അങ്ങനെ വലുതാവുന്നു. എന്നൽ  ബെനിന്റെ പഠിപ്പിൽ അവന്റെ  അമ്മ  തീരെ തൃപ്തയല്ല. ഗ്രാമത്തിലെ  സർക്കാർ സ്കൂളിൽ നിന്നും മാറ്റി നഗരത്തിലെ വലിയ  സ്കൂളിൽ പഠിപ്പിക്കണം  എന്നതാണു അമ്മയുടെ ആഗ്രഹം.  അതിനായി ഭർത്താവിനെ നിർബന്ധിച്ച്  ഗൾഫിലേക്ക് അയക്കുന്നു. ഭർത്താവിന്റെ വീട്ടിൽ നിന്ന് മാറി നഗരത്തിൽ ഒരു ഫ്ലാറ്റ് വാടയ്ക്കക്ക്  എടുത്ത് ബെനും അമ്മയും താമസം മാറുന്നു. ബെനിനെ  വലിയ ഒരു സ്കൂളിൽ ചേർക്കുന്നു. സർക്കാർ സ്ക്കൂളിലെ ഒരു ശരാശരി വിദ്യാർത്ഥി മാത്രമായിരുന്ന  ബെനിനു പുതിയ  സിലബസും ചുറ്റുപാടുകളു താങ്ങാവുന്നതിലും അപ്പുറത്തായിരുന്നു. പതിയെ  ബെനിന്റെ ജീവിതം താളം  തെറ്റാൻ തുടങ്ങി.  

കണ്ട് പഴകിയ ശീലങ്ങളെയെല്ലാം മാറ്റി വെച്ച് ഒരു തകർപ്പൻ ഫസ്റ്റ് ഹാഫ് ആണു ബെനിന്റെത്.   എല്ലാ വിഭാഗം  ആളുകൾക്കും ഒരു പോലെ ആസ്വദിക്കാവുന്ന ഒന്ന്. ബെൻ ആയി  വേഷമിട്ട ജഹാംഗീറിനേക്കാളും മികച്ച് നിന്നത് ചാമിയായ  കൊച്ചുപയ്യനായിരുന്നു. സുരാജ്, ഛായാഗ്രഹകൻ ജിബു  ജേക്കബ്,  ബെനിന്റെ അമ്മയായി  വേഷമിട്ട നടി എന്നിങ്ങനെ ആദ്യപകുതി എല്ലാവരും  തകർത്ത് അഭിനയിച്ചു. സിനിമയുടെ  എല്ലാവശങ്ങളും  ഭംഗിയാക്കി മനസ്സിനു പരിപൂർണ്ണതൃപ്തി  നല്കുന്ന ഇടവേള. 

എന്നാൽ ഇടവേളയ്ക്ക് ശേഷം സകലതും തകിടം മറിഞ്ഞു. ബെനിന്റെ ജീവിതത്തിന്റെ താളം തെറ്റുന്നതിനോടൊപ്പം  സിനിമയുടെ താളവും തെറ്റുകയായിരുന്നു. ആദ്യപകുതിയിൽ കഥ പറയാനെടുത്ത ദൈർഘ്യം  സിനിമയ്ക്ക്  ആസ്വദകരമായെങ്കിൽ രണ്ടാം പകുതിയിലെ ഇഴച്ചിൽ അരോചകമായി തീരുകയാണ്ടായത്. അവസാനം ഹൃദയസ്പർശിയായ  ഒരു രംഗം പോലുമില്ലാതെ സിനിമയുടെ രണ്ടാം പകുതി അവസാനിക്കുമ്പോൾ ആദ്യ പകുതി നല്കിയ ആവേശം തണുത്തുറഞ്ഞു പോയിരുന്നു.

 വിപിൻ ആറ്റ്ലി എന്ന എഴുത്തുകാരനും സംവിധായകനും  പാതിയെ പാകപ്പെട്ടിട്ടുള്ളു എന്ന്  മനസ്സിലാക്കി തരും ബെൻ. എങ്കിലും വിപിൻ ആറ്റ്ലിയിൽ  പ്രതീക്ഷകൾ ഏറെയാണു. കാരണം. ഈ സിനിമയുടെ ഇടവേള  വരെയുള്ള സിനിമ അതിനുശേഷവും അതു പോലെ  ആയിരുന്നെങ്കിൽ ഒരു സൂപ്പർ ഹിറ്റ് മലയാളത്തിൽ പിറന്നേനെ.   വളർച്ചയുടെ പടവുകൾ ചവിട്ടി കയറി ഒരുനാൾ വിപിൻ അത് സാധിക്കുമെന്നു തന്നെ കരുതാം...!!


ഓഫ് ടോപിക്: ഈ സിനിമയുടെ വളരെ നല്ല അഭിപ്രായങ്ങൾ കേട്ടിട്ടാനു ഈ  സിനിമ കാണാൻ അങ്കമാലി കാർണിവലിൽ എത്തിയത്.  5.30ക്കുള്ളഷോക്ക് 5 മണിക്ക് എത്തിയപ്പോൾ കൗണ്ടറിലെ പയ്യൻ  പറഞ്ഞു ബെൻ ഇല്ല എന്നു. എന്ത് കൊണ്ട് ഇല്ല എന്നു ചോദിച്ചപ്പൊൾ മിനിമം 10 പേർ എങ്കിലും ഉണ്ടെങ്കിലെ കളിക്കു നിർബന്ധമാണേൽ വെയിറ്റ് ചെയ്യു എന്ന് മറുപടി. അത്  ന്യായം. പക്ഷെ  വരുന്നവരോട് മുഴുവൻ  ബെൻ ഇല്ലന്ന് പറഞ്ഞാൽ പിന്നെങ്ങെനെ 10 പേർ ആവും എന്ന  ന്യായമായ ചോദ്യത്തിനു മുന്നിൽ  മൾട്ടിപ്ലക്സ്  സ്റ്റാഫിനു  ഉത്തരം  മുട്ടി. കുറച്ച് നേരത്തെ തർക്കത്തിനു ശേഷം മുതലാളിയെ  ഫോണിൽ ബന്ധപ്പെട്ട സ്റ്റാഫിനു  “എങ്കിൽ പിന്നെ കളിച്ചു തുല” എന്ന മറുപടി കിട്ടിയത് കൊണ്ടാവണം 5 പേർക്ക് വേണ്ടി സിനിമ ഇടാൻ അവർ തയ്യറായി.   
സിനിമ കഴിഞ്ഞ് പുറത്തിറങ്ങിയപ്പോൾ ഞാൻ അപ്പോഴെ പറഞ്ഞതല്ലേ  എന്ന  മുഖഭാവവുമായി ആ  സ്റ്റാഫ് നില്പുണ്ടായിരുന്നു. സത്യത്തിൽ  മേലുദ്യോഗസ്ഥന്റെ ആഞ്ജ അനുസരിക്ക മാത്രം ചെയ്ത ആ പയ്യനോട് മന:സ്താപം തോന്നി. ഫേസ്ബുക്കിൽ ഈ സിനിമയുടെ വാഴ്ത്തി പാടലുകൾ സത്യമാണെന്ന് വിശ്വസിച്ച് ഒരു നല്ലസിനിമയെ നശിപ്പിക്കാനുള്ള തിയറ്ററുകാരുടെ നെറികെട്ട നീക്കത്തിനെതിരെ പതഞ്ഞു പൊങ്ങിയ  ധാർമിക  രോഷം ആയിരുന്നു കൂട്ടുകാരാ എന്നു കണ്ണുകൾ കൊണ്ട് പറഞ്ഞ് പുറത്തിറങ്ങി. എന്നാലും ബെൻ ഇല്ല  എന്ന് അവൻ പറയരുതായിരുന്നു...!!!!!!!

അമര്‍ അക്ബര്‍ അന്തോണി - film review


ആ കടുത്ത തണുപ്പിലും പ്യാരിലാല്‍ വിയര്‍ത്ത് ഒഴുകി. 

വീണ്ടും തന്റെ കണക്ക് കൂട്ടലുകള്‍ പിഴച്ചിരിക്കുന്നു. 

അതിരാവിലെ എണീറ്റ്‌ പ്രിത്വിരാജ് പടത്തിനു  റിവ്യുവും 

എഴുതി ഉണ്ടാക്കി പടം കാണാന്‍ തിയ്യറ്ററില്‍ എത്തി പടം 

കഴിഞ്ഞ ഉടന്‍ റിവ്യു ഫേസ്ബുക്കിലും സിനിമ ഫോറങ്ങളിലും 

പോസ്റ്റ് ചെയ്യാന്‍ രാമന്‍ലാലിനെ എര്‍പ്പാടും ചെയ്ത് ഇവിടെ 

എത്തിയതാണ്. സിനിമ കഴിയുന്ന നേരം ആയപ്പോള്‍ മുതല്‍ 

രാമന്‍ലാല്‍ ഫോണ്‍ വിളിക്കാന്‍ തുടങ്ങിയതാണ്‌ പ്യാരി 

മൊബൈല്‍ സൈലന്റ് ആക്കി വെച്ചു അല്ലാതെന്ത് ചെയ്യും. 

ഹൃദയ ഭേദകമായ ആ വാര്‍ത്ത താന്‍ എങ്ങനെ രാമനോട് 

പറയും. ഒന്ന് പൊട്ടികരയാന്‍ പ്യാരിക്ക് തോന്നി
.. !!!

To read full 

http://www.lifestylekeralam.com/amar_akbar_antony.html

പത്തേമാരി - Film review


ഉച്ച സമയം പത്തേമാരി കണ്ട് തിയറ്ററില്‍ നിന്ന് ഇറങ്ങി വരുംമ്പോള്‍ മനോജിന്റെ ഫോണ്‍ ശബ്ദിച്ചു. .
മനോജ് : ആ അളിയാ ഒന്നും പറയണ്ടാ.. പടം കാണാന്‍ കേറിയേക്കായിരുന്നു. പത്തേമാരി.. ഞാനും രാജീവും ഉണ്ട്. ഓക്കെ. എന്തോന്നടാ,, ഒരു മാതിരി കോപ്പിലെ പടം. (ചിരിക്കുന്നു) നമ്മുടെ നാടോടി കാറ്റിലെ ഗഫൂര്‍ക്കാ ദോസ്തിന്റെ ഉരു ഇല്ലേ.. ആ മാമുക്കോയയുടെ.. കാലിഫോര്‍ണിയാ വഴി പോകുന്ന ദുബായ് കടപ്പുറം വഴി തിരിച്ചു വിടുന്ന ഉരു. ആ ഉരുവില്‍ കയറി മമ്മൂട്ടി ദുബായില്‍ എത്തുന്നു.. എന്നിട്ടെന്താ.. പട്ടിണിയും പരിവട്ടവുമായി കഴിഞ്ഞിരുന്ന കുടുബത്തെ ഒരു കരപറ്റിക്കും. എല്ലാവര്‍ക്കും കാശ് മാത്രം മതി. മമ്മൂട്ടിയാണേല്‍ ഇവിടെ വാര്‍ക്ക പണി ചെയ്താ കാശ് ഉണ്ടാക്കുന്നെ അതൊന്നും നാട്ടുകാര്‍ക്കും വീട്ടുകാര്‍ക്കും അറിയില്ലല്ലോ.. എന്നിട്ടെന്താവാനാ.. ലാസ്റ്റ് എല്ലാ ഗള്‍ഫ്കാരെയും പോലെ അങ്ങനങ്ങ് തീരും.. ഒരു മാതിരി സെന്റി പടം. ഓ മമ്മൂട്ടി കുഴപ്പല്യാ.. ഹേയ് അതിന്റെ ആവശ്യമൊന്നുമില്ല. ഡിവിഡി ഇറങ്ങുമ്പോള്‍ കണ്ടാല്‍ മതി (ഫോണ്‍ വെയ്ക്കുന്നു. മനോജിന്റെ സംഭാഷണം മുഴുവന്‍ കേട്ടിരുന്ന രാജീവിന്റെ മുഖത്ത് വിവിധ ഭാവങ്ങല്‍ മിന്നിമറയുന്നത് മനോജ് കണ്ടു.)
മനോജ് : എന്തുവാടാ.. നിന്റെ കണ്ണൊക്കെ നിറഞ്ഞിരുന്നല്ലോ അതിനു മാത്രം എന്താടാ ഈ സിനിമയില്‍ ഉള്ളത്..
തുടർന്ന് വായിക്കാൻ

http://www.lifestylekeralam.com/pathemari.html

ലൈഫ് ഓഫ് ജോസൂട്ടി - Film Review


Life Of Josutty -  Film Review (പകല്‍ മലയാളത്തിലെ പ്രശസ്ത സംവിധായകന്റെ വീട്. തന്റെ സ്വകാര്യ മുറിയില്‍ ദസ്തയേവ്സ്കിയുടെ കുറ്റവും ശിക്ഷയും എന്ന നോവല്‍ വായിച്ചു കൊണ്ടിരിക്കുന്ന സംവിധായകന്‍. മുറിയിലേക്ക് അസിസ്റ്റന്റ് കടന്നു വരുന്നു)
അസിസ്റ്റന്റ്: സാര്‍ എല്ലാരും ചോദിക്കുന്നു.
സംവിധായകന്‍: ( നോവലില്‍ നിന്ന് കണ്ണെടുക്കാതെ) എന്ത് ചോദിക്കുന്നു.
അസിസ്റ്റന്റ് : നമ്മുടെ അടുത്ത പടം എന്താണു തുടങ്ങാത്തെന്നു..
തുടർന്ന് വായിക്കാൻ
http://www.lifestylekeralam.com/josutty.html

കോഹിനൂർ - Film Review

ബൈസിക്കിൾ തീവ്സ് പോലെയുള്ള മറ്റൊരു സിനിമ എന്നതിൽ കവിഞ്ഞ് മറ്റൊന്നും സ്വന്തമായി നിർമ്മിച്ച ഈ സിനിമ ആസിഫ് അലിയ്ക്കായി അവശേഷിപ്പിക്കുന്നില്ല എന്നതാണു വസ്തുത
To read Full review 
http://www.lifestylekeralam.com/kohinoor.html

എന്ന് നിന്റെ മൊയ്തീൻ. -Film Review


 ന്യൂനപക്ഷ സമുദായത്തിലെ ഒരു പുരുഷൻ ഭൂരിപക്ഷ സമുദായത്തിലെ ഒരു
പെണ്ണിനെ പ്രേമിച്ചാലോ കല്യാണം കഴിച്ചാലോ അത് ദേശീയോദ്ഗ്രദനമാണു. എന്നാൽ
ഭൂരിപക്ഷ സമുദായത്തിലെ ഒരു പുരുഷൻ ന്യൂനപക്ഷ സമുദായത്തിലെ ഒരു പെണ്ണിനെ
സ്നേഹിച്ചാലോ കല്യാണം കഴിച്ചാലോ അത് ദേശീയ കലാപമാണു എന്ന് കേട്ടിട്ടുണ്ട്
എന്നാൽ  ഇത് തിരിച്ചായാലും കലാപം പൊട്ടിപുറപ്പെടുന്ന ഇന്നിന്റെ ലോകത്ത്
വെളിച്ചം വിളക്കന്വേഷിക്കട്ടെ..!!
To read Full review 
http://www.lifestylekeralam.com/ennu_swantham_mideen.html

ജമ്നാപ്യാരി - film review


വാസൂട്ടന്‍ വിചാരിച്ചത് എന്തും നടക്കും..!! നടന്നില്ലെങ്കില്‍.. ?? നടക്കുന്നത് വിചാരിക്കും.. So Simple...!!!

To read full review

http://www.lifestylekeralam.com/jamna_pyari_film_review.html

ഉട്ടോപ്യയിലെ രാജാവ് - Film review


കൊക്രാങ്ങരി എന്ന ഗ്രാമത്തിലാണ് ഈ കഥ നടക്കുന്നത് കൊക്രാങ്ങരിയിലെ മുന്‍ പഞ്ചായത്ത് പ്രസിഡണ്ട്‌ ആയ പരമേശ്വരന്‍ പിള്ളയുടെ പ്രതിമയും യേശു ക്രിസ്തുവിന്റെ പ്രതിമയും പിന്നെ പരമേശ്വരന്‍ പിള്ള മരിച്ചപ്പോള്‍ സര്‍ക്കാര്‍ പൊട്ടിച്ച ആചാര വെടിയേറ്റ്‌ ദിവഗതനായ് പോയ ഒരു കാക്കയുടെ മകനും കൂടി കഥ പറയുകയാണ്‌..!! ഉട്ടോപ്യയിലെ രാജാവിന്റെ കഥ

To read full review 

http://www.lifestylekeralam.com/uttopiyayile_rajav_review.html

ലോഹം - Film Review


ഇനിയൊരിക്കലും മാസ് സിനിമ എഴുതില്ല എന്ന് പ്രതിഞ്ജ എടുത്ത ഒരു തിരകഥകൃത്താണു രഞ്ജിത്ത്. അതു കൊണ്ട് തന്നെ അത്തരം സീനുകളില്‍ മനഃപൂര്‍വ്വം ഒരു അടക്കം പാലിക്കുന്നത് കാണാം. അങ്ങിനെയെങ്കില്‍ പിന്നെ എന്തിനു ഇങ്ങനെ ഒരു സിനിമ എന്നൊന്നും ചോദിക്കരുത്. കണ്ണില്‍ കൊള്ളാനുള്ളത് പുരികത്ത് കൊണ്ടു എന്ന് പറഞ്ഞാല്‍ മതി..! ഇതിലും വലുത് എന്തോ വരാനിരുന്നതാ.. !!!
To read full review
http://www.lifestylekeralam.com/loham_film_review.html

അച്ച ദിൻ - Film Review


: നല്ലൊരു സംവിധായകന്റെ കയ്യിൽ കിട്ടിയിരുന്നെങ്കിൽ സൂപ്പര് ഹിറ്റ്‌ ആകുമായിരുന്ന ചിത്രം എന്നൊക്കെ ആരെങ്കിലും പറഞ്ഞാൽ ഓര്ക്കുക  നല്ലതെന്ന് പറയുമ്പോൾ മിനിമം ഒരു ഷങ്കർ എങ്കിലും വേണ്ടി വരും.

To read full review 
http://www.lifestylekeralam.com/acha_din.html

ലുക്കാ ചുപ്പി - Film Review


ശരിയാണു ജയസൂര്യയാണു..!! ആഴ്ച്ചയിലാഴ്ച്ചയില്‍ പടമിറക്കി പ്രേക്ഷകരെ വെറുപ്പിക്കുന്നതുമാണു. അവസാനമിറങ്ങിയ കുമ്പസാരത്തിന്റെ പോസ്റ്റർ ശരിക്കൊന്നു മഴ നനയുന്നതിനു മുൻപേ അടുത്ത പടമെത്തി എന്നിട്ടും ലുക്കാ ചുപ്പി എന്ന പുതിയ ജയസൂര്യ പടം കാണാൻ തിരുമാനിച്ചത്

To read Full review click 

http://www.lifestylekeralam.com/lukka_chuppi.html

പ്രേമം - Film review


 #premama ഒരു യുവത്വകാലത്തിന്റെ ആഘോഷം മാത്രമല്ല ജീവിതം അത് മറ്റെന്തെക്കെയോ ആണു തീര്‍ച്ചയായും അത് മറ്റെന്തെക്കെയോ ആണെന്ന് നമ്മെ ബോധ്യപ്പെടുത്തുന്ന ഈ മനോഹര സിനിമ ഏത് പ്രായക്കാര്‍ക്കും ഒരു പോലെ ആസ്വദിക്കാവുന്നതാണു. കാരണം പ്രണയത്തിനു പ്രായമില്ല മരണവുമില്ല..!!! 

To read Full review 

http://www.lifestylekeralam.com/premam_film_review.html

നീന - Film Review


ബോള്‍ഡ് ആയിട്ടുള്ള സ്ത്രീ കഥാപാത്രങ്ങl മലയാള സിനിമയില്‍ ഒരുപാട് ഉണ്ടായിട്ടുണ്ട്. ഉര്‍വ്വശിയും ശോഭനയും അമലയും മഞ്ജുവാര്യരുമൊക്കെ അത്തരം വേഷങ്ങള്‍ ചെയ്തിട്ടുണ്ട്. എന്നാല്‍ ഇതില്‍ നിന്നുമൊക്കെ വ്യത്യസ്ഥമായിട്ട് ഒരു കഥാപാത്രം ഇന്ന് മലയാള സിനിമയില്‍ ഉണ്ടായി.. നീന. മേല്പറഞ്ഞ കഥാപാത്രങ്ങളെല്ലാം ഒരു ഘട്ടത്തിൽ പുരുഷന്റെ തണലിലേക്ക് ഒതുങ്ങുന്നിടത്താനു നീന വ്യത്യസ്ഥയാവുന്നത്
To read full review

http://www.lifestylekeralam.com/neena_film_review.html

Followers

 
Copyright 2009 b Studio. All rights reserved.