RSS
കഥയുടെ മൂല്യച്ചുതിയില്‍പ്പെട്ടു ആഗോളതലത്തില്‍ നിഷ്പ്രഭമായിക്കൊണ്ടിരിക്കുന്ന സിനിമയ്ക്ക് യുവത്വം സമര്‍പ്പിക്കുന്ന ലോകത്തേക്ക് സ്വാഗതം

വാനം


മലയാളത്തിൽ ഡബ്ബ് ചെയ്ത് ഇറക്കിയ കില്ലാഡി എന്ന മൂവിയുടെ റീമേക്കാണു ചിലമ്പരശൻ നായകനായ വാനം. തെലുങ്കിൽ വേദം എന്ന പേരിൽ ഇറങ്ങിയ ചിത്രവും മലയാളത്തിലെ ഡബ്ബ് ചെയ്ത കില്ലാഡിയും കണ്ടിട്ടുണ്ടെങ്കിലും ഈ റോളുകൾ തമിഴ് നടന്മാർ എങ്ങനെ കൈകാര്യം ചെയ്തിരിക്കുന്നു എന്നറിയാനുള്ള കൗതുകം കൊണ്ടാണു വാനം കാണാൻ തിരുമാനിച്ചത്. തെലുങ്കിൽ അല്ലു അർജുൻ ചെയ്ത വേഷം തമിഴിൽ ചിലമ്പരശനും മഞ്ചു മനോജിന്റെത് ഭരതും മനോജ് ബാജ്പേയുടെത് പ്രകാശ് രാജുമാണു കൈകാര്യം ചെയ്തിരിക്കുന്നത്. ബാക്കി രണ്ടു പ്ലോട്ടുകളിലെ കഥാപാത്രങ്ങൾക്ക് മാറ്റമില്ല.മഞ്ചു മനോജ് എന്ന നടൻ അല്ലു അർജുനേക്കാൾ ശ്രദ്ധേയമായ പ്രകടനം കാഴ്ച്ച വെച്ച സിനിമയാണു വേദം(കില്ലാഡി). മനോജ് ബാജ്പേയുടെ ഉജ്ജ്വല പെർഫോമൻസിനാൽ സമ്പന്നമായ വേദം. അല്ലു അർജുന്റെ വ്യത്യസ്ഥമായ അഭിനയ ശേഷി പ്രേക്ഷകർ തിരിച്ചറിഞ്ഞ വേദം. ഇതിനേക്കാളൊക്കെ പുറമേ ശക്തമായ ഒരു തിരകഥയും സംവിധാനവും കൊണ്ട് അനുഗ്രഹീതമായ വേദം. പക്ഷെ..! വളരെ നിരാശജനകം എന്നു പറയട്ടെ ചിമ്പുവിനും ഭരതിനും പ്രകാശ് രാജിനും തെലുങ്ക് സിനിമയിലെ അഭിനേതാക്കൾ കൈവരിച്ച മികവിന്റെ നൂറിലൊരംശം പോലും കൈവരിക്കാനായിട്ടില്ല. വേദത്തിന്റെ റീമേക്കാണെങ്കിലും പ്രകാശ് രാജിന്റെ കഥാപാത്രത്തിനു ചെറിയ ഒരു മാറ്റമുണ്ട്. അതുപോലെ ഭരതിന്റെ കഥാപാത്രത്തിന്റെ അവസാനത്തിലും. നല്ല ശക്തമായ തിരകഥ ആണെങ്കിലും തമിഴിലെത്തിയപ്പോൾ അഭിനേതാക്കളുടെ പാളിച്ച കൊണ്ടാവണം വേണ്ട വിധത്തിൽ ഫീൽ ചെയ്യിപ്പിച്ചെടുക്കാൻ സാധിക്കാതെ പോയി.

ഒരു പക്ഷെ വേദം എന്ന സിനിമ ആദ്യം കണ്ടത് കൊണ്ടാവണം ഇങ്ങനെ ഒരു അഭിപ്രായം രൂപപ്പെട്ടത് എങ്കിലും വേദം(കില്ലാഡി), വാനം എന്നീ സിനിമകൾ ഒന്നും കാണാത്തവർ വാനം കാണുന്നതിനു മുൻപ് ഒരു നിമിഷം
കില്ലാഡി- ഇത് ഒരു അല്ലു അർജുൻ സിനിമ അല്ല

കില്ലാഡി (വേദം) എന്ന ചിത്രത്തിനു 9/10 മാർക്ക് കൊടുക്കാമെങ്കിൽ വാനത്തിനു കൊടുക്കാൻ കഴിയുന്നത് 1/10 ആണു

ഇനി ചിന്തിക്കു..!

1 comments:

ഉപ ബുദ്ധന്‍ said...

എനിക്ക് ചിംബുവിനെ അല്ല അല്ലു അര്‍ജുനെ ആണ് ഇഷ്ടം എന്ന് എഴുതി ഇട്ടാ പോരായിരുന്നോ വെര്‍തെ ഇത്രയൂം ഒന്നും ടൈപ്പ് ചെയ്യേണ്ട ആവശ്യമില്ലായിരുന്നു

Followers

 
Copyright 2009 b Studio. All rights reserved.